关于郑中基粤语歌我想说郑中基 方力申 梁汉文再度合体，想搞个新台叫「T VIU B」？||粤语文章

郑中基红馆开show

同方力申、梁汉文再度合体！

一合体实係讲返《美女厨房》D嘢

梁汉文：

「有冇挂住我哋先？

挂住我哋定係挂住嗰D

坑渠水味嗰D意粉啊？」

方力申：

「定係你哋最钟意嗰D屎味鱼蛋？」

郑中基回忆起节目

就话大家十年冇睇过

梁汉文反驳话：

「你都癫癫哋噶，最近有做噶。」

点知方力申就声大大咁话：

「嗰个假噶。」

梁汉文：「E条友做咩？

以前就话D奶假，

而家就话佢个节目假。」

郑中基问大家

係咪好想睇佢哋做一辑新嘅？

观众嘅反应都非常热烈

然后佢哋开始讨论新搞咩新节目

郑中基提议：「美男厨房。」

方力申话《美女厨房》咪几好lor

但郑中基表示

佢同梁汉文都有家室：

「唔可以乱食嘢。」

方力申：

「你哋就个个上晒岸升晒呢，

又做老窦啦又做老公啦，

咁我升咩？係Single啊……

想当年我唔係single嘅时候

就安分守己，

今日我single了，就食自己！」

郑中基听完就话方力申：

「如果你想快D沟到女嘅话，

直接去投胎。」

台下观众一路听

一路爆笑

方力申：「好耐冇搞啦，

真係好想搞，搞返个节目。」

然后三个都异口同声话

搞咯，搞，搞咯

方力申就话返TVB倾下先

郑中基就话：

「唔一定要TVB，而家有VIU TV。」

网民都好赞成搞新节目

仲话记得带埋周师傅

梁汉文就话而家新一年

唔应该谂搞个节目

应该搞个台出嚟

播晒佢哋D歌佢哋D戏

台名叫「T VIU B」

well

总之佢哋出场

好似变咗 talk show咁

不断搞gag

氹到现场观众都好开心

佢哋三个一齐真係超多笑料

你哋想唔想睇

佢哋合体搞节目呢？